Sobre Agarimo

Quen somos

Somos a presenza en Galicia da Congregación Amigonianos (tamén denominada Terciarios Capuchinos) fundada no ano 1889 por Luis Amigó e que chega a terras galegas xusto no seu centenario, no ano 1989.

Centrámonos na protección da infancia, a adolescencia e a intervención social coas súas familias en risco de exclusión.

Saber máis de AMIGONIANOS

Nosa traxectoria

Memorias da entidade

A nosa presenza en Galicia, está vinculada coa Asociación Agarimo, entidade fundada polo P. Nemesio Villa nos anos 70 e fortemente comprometida cos sectores máis precarios e marxinais da sociedade coruñesa de finais do século XX. Comezou a súa andaina traballando no asentamento chabolista O Portiño finalizando coa fundación da Ciudad de los Muchachos Agarimo.

A colaboración entre Agarimo e os Amigonianos materialízase cando, en 1989, asínase o primeiro convenio de colaboración para que os Amigonianos asuma a xestión do centro de menores Ciudad de los Muchachos, en Arteixo.

Desde 1989 co noso traballo na Ciudad de los Muchachos Agarimo en Arteixo ofrecemos a máis de 400 nenos, nenas e adolescentes a súa acción educativa, calidez e proximidade, e acompañamos a máis de duascentas familias da Coruña e municipios próximos nos momentos máis difíciles das súas historias, cando a separación dos seus fillos e fillas lles fixo sentir máis vulnerables.

Nos últimos 10 anos, o noso traballo centrouse en familias especialmente en grave risco ou severa exclusión social, procedentes en moitos casos do proceso de realoxo do asentamento chabolista de Penamoa a finais do ano 2007.

Froito da experiencia adquirida durante estes anos, así como da detección de novas problemáticas cuxo abordaxe require protocolos específicos, en 2018 nacen os proxectos de intervención social na Coruña. Unha aposta da nosa entidade por reforzar o traballo coas persoas en risco de exclusión social.

Misión

Contribuímos á transformación social e individual das persoas.
Defendemos os dereitos humanos e da infancia desenvolvendo o noso traballo mediante a intervención socioeducativa e psicosocial.
Actuamos especialmente coa infancia e a mocidade, xunto ás súas familias.

Principios

O respecto á dignidade humana e o compromiso coa defensa dos seus dereito
A promoción da inclusión social na infancia e a mocidade.
A Intervención socioeducativa centrada na persoa e expresada en:

O respecto á liberdade e fomento da responsabilidade.
A atención educativa personalizada, gradual, progresiva, que busca promover o desenvolvemento integral.
Escoita activa e promoción da participación, en tanto que a persoa é a protagonista de todo proceso educativo.
A convicción nas potencialidades de cada persoa para superar as dificultades que vai atopando na súa vida e a perseveranza para acompañala no seu proceso de transformación.

Valores

Este enfoque materialízase, á súa vez, nos VALORES que guían os proxectos e as accións que despregamos. Entre estes valores atópanse:

Cercanía

Presenza dispoñible en todo momento por parte dos/as profesionais, xeradora de seguridade para os/as menores e as súas familias.

Liberdade e responsabilidade

Acompañamento activo que facilita ferramentas aos/as menores e as súas familias para tomar decisións personalizadas e con criterios válidos, asimilando deberes e aceptando responsabilidades de maneira progresiva.

Solidariedade

Coas persoas máis desfavorecidas e vulnerables, co fin de promover a súa inclusión e participación activa na sociedade.

Espírito de familia

Naturalidade no trato xerando confianza e agarimo.
Sentido de pertenza: Sentimento de formar parte do proxecto máis aló de aspectos formais que favorece que senta o grupo como algo propio.

Profesionalidade

A calidade técnica e ética fundamentada no noso compromiso coa transformación persoal e social da infancia e a mocidade vulnerable.

Transparencia

No que facemos como reflexo do noso respecto á confianza depositada polas institucións e a sociedade no noso traballo.

Como o facemos

pedagoxía amigoniana é a nosa metodoloxía de intervención socioeducativa e psicosocial, coa cal buscamos contribuír ao desenvolvemento integral das persoas coas que traballamos.

Características

Un proceso gradual e progresivo, xa que cada paso facilita o seguinte.
Un proceso integral, que vincula á persoa como a unidade de todas as súas dimensións: física, psíquica, transcendente, social, familiar…
Un proceso activo, no que a persoa é a protagonista, é quen constrúe.
Un proceso natural, que se identifica coa vida real.

En coherencia coa misión, nos centros socioeducativos dos Amigonianos, contamos cunha Política de Protección de la Infancia y la Adolescencia propia, como instrumento inspirado na defensa e promoción dos dereitos do neno e da nena.

Onde
estamos

Proxectos de intervención social

Centro de día AGARIMO – Ciudad de los Muchachos

O noso
compromiso

En Amigonianos Galicia estamos comprometidos coa calidade e mellora continua dos nosos proxectos. Esta mellora ponse en relevo en:

Obxectivos anuais

Establecemos obxectivos e indicadores anuais que nos permiten mellorar a nosa intervención cos e as menores, familias e equipo técnico.

Xestión de calidade

Temos implantado un Sistema de Xestión de calidade conforme á norma ISO 9001:2015, certificados actualmente por BUREAU VERITAS.

Grao de satisfacción

Medimos o grao de satisfacción das persoas atendidas dos nosos servizos mediante diferentes ferramentas de sistematización.

Innovación

Innovación de infraestruturas, inmobles e equipamentos.

Compromiso

Existe un compromiso do equipo profesional en formación continua e actualización.

Igualdade

Contamos con Políticas de Igualdade, somos unha entidade comprometida coa equidade de trato entre homes e mulleres