O Verán no Portiño – 2023

O 3 de xullo iniciábamos un ano máis o programa de Verán no Portiño, iniciativa que forma parte do Programa municipal de prevención de adiccións da Consellería de Igualdade, Benestar Social e Participación da Cidade da Coruña coa finalidade de prever condutas aditivas no eido sociocomunitario durante os meses de verán coa finalidade de prever condutas aditivas no eido sociocomunitario durante os meses de verán. 

Os 38 nenos e nenas do Portiño que participaron nas actividades puideron desfrutar de numerosas alternativas de ocio sáudable, ao mesmo tempo que coñeceron e valoraron os recursos da contorna e da cidade e potenciaron as súas habilidades sociais e conciencia crítica; todo isto dando conta de 4 áreas fundamentais para o desenvolvemento integral dos/as menores. En primeiro lugar atopámonos coa área de natureza, que permitiu o desfrute de entornos naturais e a interiorización da importancia dos valores medioambientais: ruta polo Seixo Branco, talleres de manualidades con produtos reciclados e estampados naturais, gymkana sobre a natureza no Monte de San Pedro, limpeza colectiva da Praia de Bens, saída ás Piscinas de Acea de Ama, visita e xogos na praia de San Amaro e roteiro en bici polo paseo fluvial de Arteixo. Na área de expresión fomentouse a creatividade e a estimulación dos sentidos a través dun reto de lip-dub, torneos de xogos, talleres de pintura, manualidades, escritura e baile. Por outra banda, na área de deporte prestouse especial atención ao ocio saúdable con actividades como as olimpiadas no parque de Adolfo Suárez, escalada con AMI montañismo, jugger, xogos de auga no Parque de Bens, xogos cooperativos, xogos adaptados no Parque de Santa Margarita e xogos deportivos. Por último, na área de cultural realizáronse distintas saídas e actividades co obxectivo de comprender o aspecto profundamente transversal da cultura (historia, arquitectura, almientación, ocio…): xogos populares, sesións de cociña, gymkana e visita ao Castro de Elviña, gymkana da Feira do Cómic nos Xardíns de Méndez Núñez e do centro histórico da Cidade da Coruña… e rematando cunha saída ao Aquapark de Cerceda que serviu de colofón final a tódalas marabillosas experiencias recollidas durante o verán! 

Estamos infinitamente agradecidas e agradecidos de formar parte do Verán no Portiño, unha iniciativa que permite construír espazos de integración social, encontro e recoñecemento das persoas e colectivos; atendendo a experiencias de ocio solidario, xusto, sostible e inclusivo.